स्थापना : २०१० | Estd : 2010 A.D

मगर संघ पोर्चुगल – परिचय ( Introduction )

“पोर्चुगलमा रहेका मगर समुदायको साझा आवाज”

मगर संघ पोर्चुगल सन् २०१० मा स्थापना भएको पोर्चुगलमा बसोबास गर्ने मगर समुदायको साझा,गैर नाफामुलक एक सामाजिक तथा सांस्कृतिक संस्था हो। यस संस्थाको स्थापना मगर समुदायबीच आपसी एकता, सहयोग, सद्भाव तथा आफ्नो मौलिक भाषा, धर्म, संस्कार र संस्कृतिको संरक्षण र प्रवर्द्धन गर्ने पवित्र उद्देश्यका साथ गरिएको हो।
स्थापनाकालदेखि नै यस संस्थाले मगर समुदायको पहिचानलाई जगेर्ना गर्दै विभिन्न सांस्कृतिक, सामाजिक तथा परम्परागत कार्यक्रमहरू—जस्तै माघे संक्रान्ति, भुम्या पूजा, मगर दिवस लगायतका चाडपर्वहरू—विभिन्न खेलकुदहरुको(भलिबल, फुटबल) नियमित रूपमा आयोजना गर्दै आएको छ। साथै, पोर्चुगलमा रहेका नेपाली समुदायबीच आपसी सम्बन्ध सुदृढ गर्न तथा समुदायको हितका लागि अन्य संघ–संस्थासँग सहकार्य गर्दै सकारात्मक भूमिका निर्वाह गर्दै आएको छ।
मगर संघ पोर्चुगलले समुदायका सदस्यहरूलाई आवश्यक सहयोग, मार्गदर्शन तथा सामाजिक सेवामा समर्पित रहँदै मगर समुदायको गौरव, पहिचान र एकतालाई अन्तर्राष्ट्रिय स्तरमा स्थापित गर्ने दिशामा निरन्तर क्रियाशील रहेको छ।
“एकता, पहिचान र संस्कृतिको संरक्षण — मगर संघ पोर्चुगलको मूल प्रतिबद्धता”